ВАН ДАЈК НИКОГАШ НЕМА ДА БИДЕ ТЕРИ ИЛИ ФЕРДИНАНД

По очајните резултати на еден од двата најтрофејни англиски клуба, повторно се огласија критичарите на играта на Ливерпул, кои сега удираат и по најдобриот дефанзивец на екипата.

Холандскиот интернационалец Вирџил Ван Дајк не е на нивото на Рио Фердинанд или Џон Тери, е ставот на поранешниот фудбалер, а сега спортски аналитичар, Џејсон Канди:

Мислам дека е преценет, медиумите го прават тоа што тој не е. Прави премногу грешки.

Никогаш не би можел да игра во копачките на Фердинанд или Тери. – изјави Канди.

Канди беше дефанзивец, кој играше во Премиер лигата за Челзи и за Тотенхем. Беше дел и од втората фудбалска лига во дресовите на Кристал Палас, Бристол, Ипсвич и Портсмут.