ОВА Е НАЈТЕШКАТА ОДЛУКА ВО МОЈОТ ЖИВОТ, ЗАМИНУВАМ ПО 20 ГОДИНИ

Предмалку Ливерпул официјално потврди дека Трент Александер-Арнолд го напушта клубот по крајот на сезоната, а веднаш потоа и Фабрицио Романо дека Англичанецот е на прагот да го потпише петгодишниот договор со Реал Мадрид.

Ѕвездата на Ливерпул заминува од „Енфилд“ како слободен играч откако мина 20 години како дел од црвеното семејство. Трент објави видео-прилог во кое објаснува како стигна до одлуката да тргне во потрага по нов предизвик.

„По 20 поминати години во Ливерпул, сега е вистински момент да потврдам дека ќе го напуштам клубот по крајот на сезоната. За мене ова беше најтешката одлука која морав да ја донесам во мојот живот. Знам дека бевте исфрустрирани што досега ништо не се откриваше околу мојата иднина, но моите и намерите на клубот беа да останеме фокусирани додека не ја обезбедиме титулата во Премиер лигата. Овој клуб беше мојот живот во изминативе 20 години. Засекогаш ќе ги паметам поддршката и љубовта која ја добив тука уште од првиот ден кога станав член на академијата. Дадов сè што можев за овој клуб, а добив многу повеќе. Сепак, морав да излезам од комфор зоната и да се пуштам во нов предизвик. Ви благодарам од срце на сите, тренери, соиграчи, навивачи, вработени во клубот и на стадионот за сè направивте за мене, мојата љубов кон Ливерпул никогаш нема да згасне“, истакна Трент во видеото.

After 20 years at Liverpool Football Club, now is the time for me to confirm that I will be leaving at the end of the season.

This is easily the hardest decision I’ve ever made in my life.

I know many of you have wondered why or been frustrated that I haven’t spoken about this… pic.twitter.com/emAw5RvXq0

— Trent Alexander-Arnold (@TrentAA) May 5, 2025

Англичанецот по дебито за првиот тим на Црвените на 18 години, одигра вкупно 352 меча со учинок од 23 погодоци и 92 асистенции во сите натпреварувања, освојувајќи две титули во Премиер лигата, два трофеи во Лига Купот, по една титула во Лигата на шампионите, ФА купот, европски Суперкуп и Светското клупско првенство.