РОНАЛДО СЕ НАЛУТИ И ЈА НАПУШТИ ПОРТУГАЛСКАТА РЕПРЕЗЕНТАЦИЈА!

Легендарниот напаѓач Кристијано Роналдо предвреме ја напушти репрезентацијата на Португалија. Ова се случи после прес-конференцијата на селекторот Жорже Жесус кој објави дека Роналдо ќе започне на клупата и на утрешниот натпревар на Португалија против Данска.

Пред ова, ѕвездата го помина целиот натпревар против Норвешка на клупата.

Според дански телевизиски канал, напаѓачот се вратил во хотелот на тимот во Копенхаген со комбе, додека неговите соиграчи почнале да тренираат.

Роналдо е незадоволен од својата позиција во репрезентацијата. Селекторот денеска кажа дека разговарале за ситуацијата со Роналдо по вечерата и „проблемот дури и не бил проблем“. Но, само неколку часа подоцна, пресврт. 

Наводно 41-годишниот Роналдо сериозно размислува да ја заврши кариерата во португалската репрезентација. Кристијано Роналдо одигра 234 натпревари за репрезентацијата на Португалија, постигна 146 гола и имаше 45 асистенции. Ги освои ЕП 2016 и Лигата на нации во 2019 и 2025 година.

Роналдо се јави преку социјалните мрежи:

„По прес-конференцијата на селекторот на репрезентацијата и по разговорот со претседателот на Португалската фудбалска федерација, решив да го напуштам тренинг кампот на репрезентацијата. Со текот на времето ќе им ја кажам вистината на сите Португалци за причините што ме мотивираа да ја напуштам репрезентацијата, на која отсекогаш сум ѝ се посветувал. Сега е време да им посакам среќа на Португалија и на сите мои соиграчи, без исклучок“.