МУСТАЌИТЕ НА РАМИ И СЕ ДОПАДНАЛЕ НА КОЛИНДА ГРАБАР-КИТАРОВИЌ

Францускиот фудбалер Адил Рами откри интересна и комична анегдота од соблекувалната по финалето на Светското првенство 2018 година во Русија, во кое Франција ја победи Хрватска и ја освои светската титула.

Финалето се одигра на 15 јули 2018 година на стадионот Лужники во Москва, а Франција славеше со 4:2 во еден од највозбудливите финални натпревари во поновата историја на Мундијалите. Головите за Французите ги постигнаа Марио Манџукиќ (автогол), Антоан Гризман, Пол Погба и Килијан Мбапе, додека за Хрватска стрелаа Иван Перишиќ и Марио Манџукиќ.

По големата победа, француските фудбалери славеле во соблекувалната, а токму таму се случила необичната ситуација која Рами ја раскажа години подоцна.

По финалето бевме во соблекувалната кога влезе претседателката на Хрватска за да ни честита. Ме погледна и ми рече: „Убави мустаќи“. А јас ѝ одговорив: „Ти благодарам, мене навистина ми се допаѓа Миконос“. Не знам зошто, отсекогаш ги мешам Грција и Хрватска.

Во тој момент, според него, Оливие Жиру не можел да поверува што слуша.

Жиру ме погледна и ми рече: „Дали си ти нормален? Миконос е во Грција!“ А јас му одговорив: „Веќе не ми е ни гајле каде е, јас сум светски шампион!“

Финалето во Москва го следеа и бројни светски лидери. Во свечената ложа беа рускиот претседател Владимир Путин, тогашната претседателка на Хрватска Колинда Грабар-Китаровиќ и францускиот претседател Емануел Макрон. Сликите од Грабар-Китаровиќ како на дожд го прегрнува францускиот тим и ги теши хрватските фудбалери подоцна станаа вирални и безвременски.

World Cup 2018: Vladimir Putin given umbrella while other leaders Kolinda Grabar-Kitarovic and Emmanuel Macron get soaked after win over CroatiaVLADIMIR PUTIN stood happily under an umbrella while the French and Croatian leaders stood next to himhttps://t.co/BuneSHSA3z pic.twitter.com/TyEvV5hCIs

— GlobalNewsUpdate pocket space (@Global_UpToDate) April 15, 2023

Иако Рами на теренот не одигра ниту една минута на тоа Светско првенство, тој сепак беше дел од шампионскиот тим на Франција.