НЕМА ОБЛОЖУВАЊЕ НА ОВИЕ ЧЕТИРИ МЕЧА, БИДЕЈЌИ УЕФА НЕ ДОЗВОЛУВА ДА СЕ ОДИГРААТ

Европската фудбалска куќа во пресрет на ждрепката за квалификациите за Светското првенство 2026, потврди кои репрезентации не може да се сретнат меѓусебе.

Забранети натпревари, односно ривали кои не смеат да се паднат во иста квалификациска група се Србија – Косово, БиХ – Косово, Гибралтар – Шпанија и Украина – Белорусија. Тука спаѓаа и Ерменија и Азербејџан, но овие две селекции не може да се сретнат во претстојните мундијалски квалификации бидејќи се во ист шешир.

Ждрепката ќе се одржи на 13 декември во Цирих во 12 часот, а Македонија истата ја чека од третиот шешир.