ЕСКОРТ СКАНДАЛ ЈА ТРЕСЕ СЕРИЈА А: ПРОТЕЧЕНИ СНИМКИ СО ЅВЕЗДИ НА МИЛАН

Нов скандал ја тресе Серија А, откако италијанските медиуми објавија дека контроверзниот бизнисмен Фабрицио Корона наводно објавил компромитирачки снимки и фотографии поврзани со неколку актуелни и поранешни фудбалери на Милан.

Според извештаите, материјалите прикажуваат приватни забави на кои присуствувале познати фудбалски имиња, заедно со модели и гости, а во видеата наводно се гледа и користење на т.н. гас за смеење, кој е забранет за употреба кај фудбалерите.

Меѓу имињата што се споменуваат во медиумите се Тео Ернандез, Рафаел Леао, Џанлуиџи Донарума, Хакан Чалханоглу и Златан Ибрахимовиќ. Сепак, важно е да се нагласи дека ниту еден од фудбалерите не е официјално обвинет за кривично дело, барем не засега.

Целата приказна доаѓа во момент кога обвинителството во Милано веќе води истрага поврзана со луксузна агенција која наводно функционирала како прикритие за елитна ескорт-мрежа. Италијанските власти потенцираат дека присуството на приватни забави само по себе не е незаконско, но истрагата се фокусира на евентуални организирани нелегални активности зад сцената.

Од видеата и фотографиите кои произлегоа може да се види дека станува збор за период пред 5 сезони, кога Чалханоглу беше дел од Милан, Ибрахимовиќ се уште играше фудбал, а Кастиљехо исто така беше дел од Милан. Во италијанските медиуми се наведува дека Тео Хернандез е лик кој речиси на секој материјал го има, а револтот кај навивачите на Милан, кој и онака е огромен по лошите натпревари на нивниот клуб е поради тоа што дел од овие забави наводно биле пред натпревари на росонерите.

🤐🔞 O polêmico empresário Fabrizio Corona, conhecido pelo vazamento de polêmicas com algumas celebridades, divulgou vídeos e fotos de festas em que ex-jogadores do Milan, como Theo e Castillejo, aparecem inalando o chamado “gás do riso”, na companhia de “modelos” de luxo.… pic.twitter.com/WGjGewCwzJ

— AC Milan Brasil (@ACMilan_Brasil) May 11, 2026

Во меѓувреме, дел од играчите и нивните претставници веќе јавно се дистанцираа од приказната, тврдејќи дека нивните имиња неправедно се поврзуваат со скандалот.

Целиот случај продолжува да привлекува огромно внимание во Италија, а медиумите најавуваат дека истрагата би можела дополнително да се прошири во наредните недели.