ИНОВАЦИЈА ВО ФУДБАЛОТ: КЛИМАТИЗИРАНИ СТАДИОНИ ВО КАТАР

Светското првенство во Катар ќе биде само по себе иновација кога ќе се изведе првиот удар на стадионот Ал Бајт на 21 Ноември по многу основи, а еден од нив е и климатизирање на стадионите.

Најголемиот турнир на светот за прв пат доаѓа во Арапскиот свет, во период од годината кога температурата таму е најниска, но и понатаму висока за нормални фудбалски услови. Катарците го одбија барањето на ФИФА турнирот да се игра во Јуни и Јули, инсистирајќи на тоа дека временските услови во овие два месеци се неподносливи во пустината со температури до 42 степени целзјусови.

Од таму, за организаторите да не бидат под критика од светските фудбалски ѕвезди и тренери, жалејќи се на условите, инсталираат клима уреди за внатрешно, но и амбиентално ладење иако температурите во Ноември и Декември би требале да достигнат 33 степени целзјусови.

Катарскиот технолошки универзитет подготвил нацрт проект уште пред 2 години, за ладење на стадионите внатрешно кои ќе бидат целосно затворени преку ден, како би се постигнала оптимална температура. Ваквите системи за ладење се поддржани од соларни панели и се за прв пат внесени на фудбалските стадиони.

Според Доктор Сауд Абдулазиз Абдул Гани, професор на машинскиот факултет во Катар, овие системи ќе имаат повеќе намени.

Не само што го ладиме воздухот, туку го прочистуваме и освежуваме. Оние кои ќе имаат алергии, нема да имаат никаков проблем внатре на стадионите. Ладниот и прочистен воздух ќе влегува од големи турбини под трибините, а користејќи ја техниката на циркулација, топлиот и загаден воздух за неколку секунди ќе биде заменет со чист и свеж воздух. Гарантираме дека во стадионите ќе го имаме најчистиот воздух кој го има во Катар.

Дали Катарците ќе постават стандарди недостижни за следните организатори, останува да видиме.