ЗНАЕТЕ ЛИ ЧИЈА ВРЕДНОСТ ПОРАСНА НАЈМНОГУ НА ФУДБАЛСКИОТ ТРАНСФЕР-ПАЗАР?

Во годината што поминува имаше многу фудбалски бомби, од трансфери до разделби, преку несекојдневни комбинации. Едно име се истакнува на врвт на листата на фудбалери со најголем напредок на трансфер-пазарот, во однос на неговата материјална вредност во 2021-та година.

Педри од Барселона е фудбалерот кој скокна најмногу во поглед на неговата вредност во текот на оваа календарска година. Фудбалерот на Барселона сега вреди 72 милиона фунти, а претходно неговата финансиска вредност се проценуваше за 45 милиони фунти помалку, или 27.

Џек Грилиш е фудбалерот кој во моментов вреди 90 милиони фунти и тој има втор најголем напредок од 1-ви јануари 2021-та година. Во периодот на летните трансфери, Грилиш дојде во Манчестер Сити кај Пеп Гвардиола, иако се очекуваше таму да ги видиме Кејн и/или Роналдо.

Друштво на овие двајца им прави Ерлинг Халанд, но процентуално неговата вредност не се зголеми како што е тоа во случајот на Грилиш и Педри. Овие три имиња напредуваа за вртоглави 45 мил. фунти на листата на фудбалери со најголем напредок во вредноста во 2021-та.