ФУДБАЛОТ Е НИШТО БЕЗ НИВ. КОИ СЕ ТИЕ?

Многу често висат по оградите и создаваат огромни проблеми на натпреварите. Многу често се причина за криминал и за несакани последици на натпреварите.

Многу често предизвикуваат прекини и се занимаваат со проблеми кои не ги тангираат, односно се нечија продолжена рака за некакво дејствување на трибините каде гледаат сите и така се постигнува одлична скриена пропаганда.

Многу често знаат да направат пиротехничко шоу кое останува врежано во сеќавањата на љубителите на фудбалот, кое изгледа така и се доживува така, токму поради тоа што е забрането овошје на фудбалските натпревари.

Сепак, тие се неизбежниот декор и есенцијалниот составен елемент на најубавата и најважната споредна работа на светот, која одамна го надживеала овој епитет и денес се претвори во најголем бизнис и најпосакуваното нешто на планетата Земја.

Неговото височество ФУДБАЛ не може без фановите, навивачите, публиката. Без нив на трибините, не е исто, нели?