ВАКВА ДРАМА НЕМАЛО: ДАДЕ ГОЛ, ГО СОБЛЕЧЕ ДРЕСОТ, ПА ЖДРЕПКАТА МОРАШЕ ДА РЕШИ КОЈА РЕПРЕЗЕНТАЦИЈА ОДИ ПОНАТАМУ
Објавено на: 30.09.2026
Незапамтена сцена се случи во завршницата на групната фаза од 27-то издание на Гулф купот во Саудиска Арабија. Одлуката за патникот кој ќе ја помине групата меѓу Оман и Ирак мораше да биде решен со ждрепка.
Во последното коло, Оман направи голем пресврт и со 3:1 славеше над Кувајт, додека Ирак загуби со 2:0 од домаќинот Саудиска Арабија. Овој резултат донесе до тоа, Оман и Ирак да бидат израменти по сите критериуми. Тие имаа по четири бодови во групата во која во меѓусебниот дуел ремизираа 1:1. По трите кола во групата, гол-разликата на двете селекции беше четири дадени и пет примени голови.
Интересно е дека Оман губеше со 0:1 од Кувајт до 65 минута, но во последните 25 минути се случи голем пресврт. Кога Мусаб Ал-Шакси даде гол за 3:1 во 84 минута, од голема радост, стрелецот на погодокот го соблече дресот, а судијата му додели жолт картон.
🇴🇲🇮🇶 OFICIAL (E INCREIBLE): OMÁN E IRAK IGUALAN EN TODO Y DEFINEN QUIEN PASA EN LA COPA DEL GOLFO POR SORTEO!!!
Si el jugador omaní que hizo el tercer gol no se sacaba la camiseta, pasaba Omán por fair play! Esa tarjeta terminó igualando todo. Increible. pic.twitter.com/tUgXD3zHLb
— Nahuel Lanzón (@nahuelzn) September 29, 2026
Токму тој картон направи ситуацијата да се комплицира максимално. Кога сите критерими се идентични меѓу две селекции, тогаш се гледа дисциплинскиот дел. По добиениот жолт картон на стрелецот на третиот гол, Оман се израмни со Ирак и по бројот на жолти картони, па така едноставно овие две селекции беа израмнети во сите критериуми.
Во тој случај,, патникот во полуфиналето се решава со ждрепка. Таа беше одржана во хотел во Џеда, а среќата на крајот сепак беше на страна на Оман и оваа селекција ќе игра во полуфиналето, додека Ирак испадна.
Доколку Мусаб Ал-Шакси кога го постигна третиот гол не го соблечеше дресот и не добиеше жолт картон, Оман ќе беше во полуфинале поради подобрата дисциплинска статистика, но на крајот среќата повторно беше со оваа селекција.
