ФИФА ЈА ОБВИНИ УЕФА ЗА ШИРЕЊЕ ЛАЖНИ ВЕСТИ СО ЦЕЛ ДА СЕ САБОТИРА ИНФАНТИНО

ФИФА ја обвини УЕФА за ширење лажни информации за претседателот Џани Инфантино со цел да се поткопа неговиот реизбор за претседател.

Овие обвинувања се содржани во судски документ поднесен од ФИФА во Мајами, со кој се бара да се блокира барањето на УЕФА околу доказите поврзани со обидот за продажба на акции од Светското првенство на приватни инвеститори.

УЕФА во август поднесе барање до американскиот федерален суд со кое бара дозвола за добивање сведоштва и документи за употреба во планираниот кривичен случај во Швајцарија против претседателот на ФИФА, Инфантино, во врска со сега откажаниот план за префрлање на комерцијалните права за Светското првенство на подружница.

УЕФА тврди дека Инфантино се обиде да стекне лична корист од понудата за продажба на правата за Светското првенство, а ФИФА официјално негираше такво нешто.

Тврдењата на УЕФА дека Инфантино прекршил каков било закон или етички принцип се категорично неосновани“, се вели во соопштението на ФИФА .