РОБЕРТО МАНЧИНИ ЗА ДВОЈНИТЕ ДОГОВОРИ ВО МАНЧЕСТЕР СИТИ: ТОА НЕ Е МОЈ ПРОБЛЕМ, НИВЕН Е!

Тренерот Роберто Манчини ги отфрли обвинувањата дека пресудата за виновен на Манчестер сити ќе се одрази и на него, дистанцирајќи се од клубот и проблемот со прекршување на финансиските правила на Премиер лигата.

Актуелниот селектор на Италија три и пол години беше тренер на Сити и тоа во периодот на малверзациите за кои е обвинет.

Манчини вели дека наводниот „двоен договор“ за време на неговиот мандат како менаџер на Сити „не е негова грижа“.

Не мислам дека Манчестер сити ќе биде прогласен за виновен, напротив. Тоа не е проблем што ме засега. Сити не е виновен, а во врска со двојниот договор, тоа не е мој проблем, туку нивен, рече Манчини.

Меѓу обвинувањата е дека на Манчини се исплатени пари надвор од книгите и имало втор договор со кој би се удвоил неговата компензација.