ТОП 10 НАЈСКАПИ ТРАНСФЕРИ ВО ПРЕМИЕР ЛИГАТА

Англиските клубови повторно покажуваат дека кога станува збор за трансфери, сумите кои се плаќаат во Премиер лигата тешко можат да се споредат со остатокот од Европа.

Ова лето донесе цела серија трансфери вредни по 70, 80, 100 и повеќе милиони евра, а некои од сумите предизвикаа сериозно изненадување кај фудбалската јавност.

Особено внимание привлече трансферот на Савињо од Манчестер Сити во Тотенхем за околу 87,5 милиони евра.

Бразилецот во две сезони за Сити забележа 84 настапи и постигна само седум голови, но Тотенхем сепак одлучи да плати огромна сума за неговиот потпис.

Лондонскиот клуб е еден од најактивните ова лето. Покрај Савињо, Тотенхем ги донесе и Сандро Тонали за 108 милиони евра и Матеус Фернандес за 99 милиони евра.

Сепак, ниту еден од нив не е најскапиот трансфер во Премиер лигата ова лето.

На врвот се наоѓа Морган Роџерс, за кого Челси на Астон Вила му плати неверојатни 138 милиони евра.

Веднаш зад него е Елиот Андерсон, кој за 135 милиони евра се пресели од Нотингем Форест во Манчестер Сити.

Сити исто така плати 100 милиони евра за Ајуб Буади од Лил, додека меѓу најголемите трансфери се најдоа и Бруно Гимараеш во Арсенал и потенцијалниот трансфер на Карлос Балеба во Манчестер Јунајтед.

ТОП 10 НАЈСКАПИ ЛЕТНИ ТРАНСФЕРИ ВО ПРЕМИЕР ЛИГАТА

1. МОРГАН РОЏЕРС
Астон Вила → Челси
138 милиони евра

2. ЕЛИОТ АНДЕРСОН
Нотингем Форест → Манчестер Сити
135 милиони евра

3. САНДРО ТОНАЛИ
Њукасл → Тотенхем
108 милиони евра

4. АЈУБ БУАДИ
Лил → Манчестер Сити
100 милиони евра

5. МАТЕУС ФЕРНАНДЕС
Вест Хем → Тотенхем
99 милиони евра

6. БРЕДЛИ БАРКОЛА
ПСЖ → Ливерпул
околу 90 до 95 милиони евра
Пред реализација

7. БРУНО ГИМАРАЕШ
Њукасл → Арсенал
87,5 милиони евра

8. САВИЊО
Манчестер Сити → Тотенхем
87,5 милиони евра

9. КАРЛОС БАЛЕБА
Брајтон → Манчестер Јунајтед
околу 75 до 80 милиони евра
Пред реализација

10. ЈОХАН МАНЗАМБИ
Фрајбург → Астон Вила
69,5 милиони евра
Официјално

Само трансферите од оваа листа се приближуваат до неверојатна сума од една милијарда евра, а преодниот рок сè уште не е завршен.

Премиер лигата уште еднаш покажува финансиска моќ со која останатите европски првенства сè потешко можат да се натпреваруваат.