ВАР НЕ РЕАГИРА? ФРАНЦИЈА ПОВЕДЕ ПО НЕПРАВИЛНО ИЗВЕДЕН КОРНЕР

Франција без поголеми проблеми ја совлада Шведска со 3:0 и обезбеди место во осминафиналето на Светското првенство, но натпреварот го одбележа спорна судиска одлука уште пред паузата.

Триколорите поведоа во 45. минута по одлично воиграна акција од корнер, која со гол ја заврши Килијан Мбапе. Сепак, снимките што брзо се проширија на социјалните мрежи покажуваат дека корнерот можеби не требало ни да биде изведен.

Имено, при изведувањето на корнерот од страна на Усман Дембеле, топката сè уште била во движење, што според Правилата на играта не е дозволено. За корнерот да биде правилно изведен, топката мора да биде целосно во мирување.

И покрај тоа, ниту главниот судија, ниту помошникот, а ниту ВАР-собата не реагираа, па акцијата продолжи и заврши со гол за водство на Франција.

За Швеѓаните ситуацијата беше уште поболна бидејќи погодокот падна непосредно пред крајот на првото полувреме, во момент кога успешно го одолеваа притисокот на фаворитот.

Dembele realizó el corner con la pelota en movimiento previo al gol de Mbappe, pero el mundo no dirá nada. Ah pero Argenfifa, ah pero Messi…. #CopaDelMundo #Francia #MBappe #FIFA pic.twitter.com/43jPGfowWg

— Dami (@damcai17) June 30, 2026

Во второто полувреме Франција постигна уште два гола преку Килијан Мбапе и Мајкл Олисе, со што рутински го потврди пласманот во следната рунда, каде ќе се сретне со Парагвај.

И покрај убедливиот пораз, спорниот прв гол сигурно ќе биде една од темите за кои ќе се зборува деновиве, особено поради фактот што ВАР не интервенираше иако снимките отвораат сериозни сомнежи околу регуларноста на корнерот.