КОНТЕ ЗАМИНУВА ОД НАПОЛИ?

Антонио Конте сериозно навести дека би можел да го напушти Наполи на крајот од сезоната, и покрај тоа што тимот обезбеди пласман во Лига на шампиони.

По победата против Пиза, Конте изјави дека пристигнал во клубот во еден од најтешките периоди, кога Наполи бил во „депресивна атмосфера“ по 10-тото место во лигата.

Ветив дека кога ќе заврши моето време во Наполи, ќе оставам стабилен и амбициозен тим способен да се бори и секогаш да им создава проблеми на противниците. Можеби не сме најсилни, но мора да станеме најтешкиот тим за играње против.

Тој откри и дека претседателот Аурелио Де Лаурентис веќе подолго време ги знае неговите размислувања за иднината.

Претседателот веќе еден месец ги знае моите намери. Разговаравме повеќе за позитивните работи отколку негативните, имам навистина другарски однос со него. Јас вечно ќе му бидам благодарен за можноста, бидејќи да се проследи се ова што поминавме од клупата на овој клуб е нешто што не може да се спореди со ниту еден друг престој кој сум го имал како тренер.

Со оваа изјава дополнително ги засили шпекулациите дека летово би можел да си замине од Неапол. Италијанските медиуми веќе пишуваат дека Конте е еден од главните кандидати за враќање на клупата на Италија.