КАКО АЛБАНСКАТА ПОЛИЦИЈА НЕ ДОЗВОЛИ РЕКВИЗИТИ СО „УЧК“ НА „ЕР АЛБАНИЈА“ (ВИДЕО)

Балканското дерби меѓу Албанија и Србија во саботата се одигра без голови во Тирана, со еден одбранет пенал на Петровиќ пред крајот на првото полувреме, додека на трибините атмосферата беше очекувано разгорена на „Ер Албанија“ стадионот.

Домашните фудбалери добија неизмерна поддршка од трибините во сите 90 минути, а напоредно и надлежните за безбедност на натпреварот беа на потребното ниво, спроведувајќи ги беспрекорно проколите на УЕФА.

Албанската полиција не дозволи политички провокации од каков било тип, па отстрануваа знамиња на „УЧК“, како и навивачи кои носеа маици со исти натписи. Медиумите тврдат дека станувало збор за група навивачи која пристигнала од Косово специјално за натпреварот, но наместо да ја бодрат албанската репрезентација како што доликува, цел им била да провоцираат.

Eshte e turpshme sa agresivisht jane debu prej stadiumi tifozet me simbolet e UÇK-se e sa paturpesisht jane heq flamujt e Kosoves dhe te UÇK-se nga stadiumi.
Per Serbine e dime qe e kemi armik, ama per Shqiperine s’e kemi dite. pic.twitter.com/Aadg2xbdq5

— Lut (@xhakLut) June 8, 2025

Истите навивачи беа отстранети од трибините и воедно од стадионот, како што може да се забележи на видеото погоре.