КОШОТ НА РИВС ШТО ЈА ПОКАЖА РЕШИТЕЛНОСТА НА ЛЕЈКЕРС
Објавено на: 13.05.2023
Ниту повредата на стапалото на Леброн Џејмс, ниту повредата на главата на Ентони Дејвис, ниту другите повреди на останатите играчи, ниту недостатокот на ѕвезди во длабочината на ростерот, не можеа да ги спречат играчите на франшизата од ЛА, да го совлада локалниот ривал и немесис и да покажат кој е кој во НБА лигата.
Долго време Вориорс се перчеа дека имаат позитивен скор со Лејкерс, долги сезони правеа што сакаат на натпреварите против гламурозниот ривал, многу често знаеја да се измејуваат и да потценуваат, но на сето тоа му дојде крајот – Лејкерс слават со 4:2 и се пласираа во финалето на Западната конференција.
AUSTIN REAVES FROM HALFCOURT AT THE BUZZER 😱
WHAT A SHOT. LAKERS LEAD ON ESPN. pic.twitter.com/8ES5Kfv3cO
— NBA (@NBA) May 13, 2023
Кошот на Остин Ривс е показател колку е битен секој момент од секој натпревар и како се гради предност чекор по чекор. Тој постигна 23 поени, имаше девет помалку од најдобриот стрелец Стеф Кари кој со 32 беше немоќен пред налетот на Кралот со 30 поени и Д’Анџело Расел со 19, односно Ентони Дејвис со 17 поени. Воините Грин, Томпсон и Пул беа ставени в џеб и завршија со 9, 8 и 7 поени.
😮💨 https://t.co/hqQZxYjWse pic.twitter.com/SdD7vCVMdu
— NBA (@NBA) May 13, 2023
Заслужен ли е пласманот на Лејкерс во финалето на конференцијата, се насмевнува ли титулата? Следува пресметка со Денвер Нагетс и Никола Јокиќ. Нагетс имаат предност домашен терен, но истата предност ја имаа и Голден Стејт Вориорс…
