SВЕЗДАТА НА АТЛЕТИКО МАДРИД ГО ПРИВЛЕЧЕ ВНИМАНИЕТО НА АРТЕТА

Арсенал подготвува голем потег за летниот преоден рок, а главната желба на Микел Артета е јасна: Хулијан Алварез.

Напаѓачот на Атлетико Мадрид е меѓу најбараните играчи во Европа, а интересот од Барселона дополнително ја комплицира ситуацијата. Се споменува сума од над 150 милиони евра, што значи дека Арсенал ќе мора да направи сериозни финансиски маневри доколку сака да ја добие оваа трка.

Според англиските медиуми, Артета е подготвен на радикален потег и вистинска реконструкција на тимот. За да се ослободи буџет и простор, клубот би можел да продаде повеќе играчи, а меѓу имињата што се споменуваат се Бен Вајт и младиот Итан Нванери.

Покрај нив, на излезна врата би можеле да се најдат и Габриел Жезус, Габриел Мартинели и Мајлс Луис-Скели, што покажува колку сериозно клубот пристапува кон оваа операција.

Планот на Арсенал не застанува само на еден трансфер. Покрај централен напаѓач, клубот бара и засилувања на крилните позиции, како и на десниот бек, што најавува уште едно активно лето на Емирати.

Сепак, клучот за сè е Алварез. Доколку Арсенал успее да го доведе, тоа би бил трансфер што може целосно да ја промени сликата на тимот и да го подигне на ново ниво во борбата за титули.