ЗОШТО НА ДРЕСОТ ПИШУВА САМО „ВИРЏИЛ“? ОТКРИЕНА ЕМОТИВНАТА ПРИКАЗНА

Капитенот на Холандија и еден од најдобрите дефанзивци на својата генерација, Вирџил ван Дајк, со години привлекува внимание поради необичен детал на својот дрес.

Додека повеќето фудбалери го носат презимето на грбот, кај ѕвездата на Ливерпул стои само неговото име, Вирџил. Многумина со години се прашуваа зошто е тоа така, а сега на површина излезе приказна која открива тешки моменти од неговото детство.

Според неговиот вујко Стивен Фо Сиеув, причината се крие во семејната драма која започнала кога Вирџил имал само 12 години.

Неговиот татко ја напушти неговата мајка и трите деца. Мајка му е вистинскиот херој во оваа приказна.

Тој објаснил дека таткото на Ван Дајк не бил присутен во клучните години од животот на своите деца, што оставило длабока емоционална трага кај идниот фудбалски ас.

Според него, токму поради тоа Вирџил подоцна донел одлука на дресот да го истакнува своето име, а не презимето кое го поврзува со татко му.

Не го тргаш презимето на својот татко од дресот без причина. Со тоа јасно покажа како се чувствува.

Во меѓувреме, најголемата поддршка во животот на Ван Дајк била неговата мајка, која сама се грижела за трите деца. Работела со полно работно време, се грижела за семејството и секојдневно се борела за нивната иднина.

Никогаш немаше време за себе. Одеше на работа, се враќаше дома, се грижеше за децата и подготвуваше оброци. Таа направи огромна жртва.

Денес Вирџил ван Дајк е капитен на Холандија и Ливерпул, освојувач на бројни трофеи и еден од најценетите дефанзивци во светот. Но зад големите успеси се крие животна приказна исполнета со предизвици, која објаснува зошто на неговиот дрес стои само едно име.

За милиони навивачи тоа е само натпис на грбот. За Ван Дајк, тоа е потсетник на едно тешко детство и почит кон личноста која била покрај него кога му било најпотребно: неговата мајка.