ПРЕД АТЛЕТИКО: ЈАМАЛ ГО СТАВИ ЛЕБРОН НА ПРОФИЛНА СЛИКА

Младата ѕвезда на Барселона, Ламин Јамал, испрати силна и симболична порака пред реваншот против Атлетико Мадрид во Лигата на шампионите.

Тинејџерот ја смени својата профилна слика на Инстаграм со безвременската фотографија од Леброн Џејмс од финалето на НБА во 2016 година, односно моментот кога Кливленд направи историски пресврт од 3:1.

Со овој потег, Јамал јасно порача дека Барселона не се откажува, и покрај поразот од 2:0 во првиот натпревар. На пресот го посочи и токму тоа откако беше запрашан од новинарите.

Тој е еден од луѓето кои ме инспирираат. Се надевам дека ќе играм како него. Имаме искусни и млади играчи, не сум само јас. Го размислувам неговиот камбек со Кливленд и како можеме и ние да го направиме истото.

Паралелата е очигледна: како што Кливленд направи невозможен пресврт, така и Барселона верува дека може да го направи истото.

По поразот на домашен терен, каталонците сега ги чека пеколна задача на Метрополитано утре вечер. Тимот на Диего Симеоне е познат по цврстата одбрана, особено кога има предност. Но, Јамал не губи вера. Преку социјалните мрежи им порача на навивачите:

Не е готово.

Останува да се види дали инспирацијата од Леброн ќе се претвори во реалност на теренот.