ПЕРЕЗ СО ШЕСТ КАНДИДАТИ ЗА ЗАМЕНА НА АРБЕЛОА

Реал Мадрид сериозно размислува за промена на тренерската позиција, а претседателот Флорентино Перез веќе има подготвена листа со неколку звучни имиња.

Иако сезоната сè уште трае, сè поизвесно е дека Алваро Арбелоа нема да остане на клупата, а одлуката се очекува во завршницата од натпреварувачката година.

Во центарот на вниманието е Жозе Мурињо, кој не крие дека би сакал повторно да го води Реал. Португалецот има одличен однос со Перез, а неговиот агент веќе ја претставил можноста за враќање.

Покрај него, на листата се и:

• Маурисио Покетино
• Јулијан Нагелсман
• Масимилијано Алегри
• Јирген Клоп
• Дидие Дешамп

Во клубот владее свесност дека ситуацијата е сериозна. Иако настапите во Лигата на шампионите даваат одредена надеж, борбата за титулата во Ла Лига е практично изгубена.

Дополнително, незадоволството не доаѓа само од резултатите туку и од односот на дел од играчите, што доведе до внатрешни состаноци меѓу тимот и стручниот штаб.