МБАПЕ НАЈАВИ: „ВРЕМЕ Е ЗЛАТНАТА ТОПКА ДА СЕ ВРАТИ НА САНТИЈАГО БЕРНАБЕУ“

Килијан Мбапе верува дека оваа година е вистинскиот момент да ја освои „Златната топка“. Французинот во интервју за „АС“ зборуваше за својата форма, но и за конкуренцијата за престижната награда.

„Мислам дека ова е добра година да ја освојам. Моите најдобри адвокати се моите нозе. Колку и да зборувам, најважно е Златната топка да се врати во Реал Мадрид. Треба да се врати на Сантијаго Бернабеу и кај мадридистите, бидејќи тие ја заслужуваат“, изјави Мбапе.

Францускиот напаѓач зборуваше и за еден од неговите главни конкуренти, Ламин Јамал.

„Тој е исклучително талентиран фудбалер и имам чувство дека ќе има одлична кариера. Му посакувам сè најдобро“, порача Мбапе.