КОЈ СЕ ГО ОДБЕЛЕЖА ФИНАЛЕТО ВО ЛИГАТА НА ШАМПИОНИТЕ?

Ви доловуваме неколку моменти, кои засекогаш ќе останат поврзани со последниот меч во елитната сезона 2021/22:

Карло Анчелоти – тренер рекордер со 4 титули (по 2 со Милан, 2003 и 2007 и со Реал 2014 и 2022) и рекордер со 5 финалиња (пораз со Милан од Ливерпул 2005).

Тибо Куртоа – рекордни 9 одбрани во финалето, 52 во сезоната.

Винициус – еден шут, еден гол, потег вреден титула.

Карим Бензема – 46 натпревари, 44 гола, 14 асистенции, (неправедно?) поништен гол поради офсајд кој можеше да биде ново историско достигнување на Французинот.

Лука Модриќ и Тони Крос – одиграа маестрално финале, имаат 5 титули, конкурираат (моментално на првото место) за најдоброто дуо од средниот ред во историјата на клупскиот фудбал, ако се бројат битните трофеи.

Еден Азар и Лука Јовиќ – освоија титула без да ја пипнат топката сезонава.

Марсело и Герет Бејл – првиот го крена пехарот, вториот е кисел цела сезона и не се појавува на прославите на клубот по освоените трофеи, двајцата заминуваат со пехар, но во тишина, откако му ја дадоа душата на мадридскиот клуб.

Јурген Клоп – резервира хотел во Истанбул, каде ќе се игра следното финале во ЛШ. Планира да биде во ложата?

Мохамед Салах – има уште еден меч во колекцијата загубени финалиња, за кои треба да му се одмаздува на Реал, за 2018 и за 2022.

Ливерпул не знaе да погоди во финале – 330 минути сезонава, нула голови, во ФА и Лига Купот триумфира на пенали.

Двете екипи „ретко“ губат финалиња – Реал има 3 порази од 17 меча, Ливерпул има 4 порази во 10 финални меча.

Килијан Мбапе – Даде збор па го погази, не доаѓа во Реал туку останува во ПСЖ, губитник на сезоната или на деценијата? Или ќе го докаже спротивното?

Pepper spraying fans outside stadium in Paris pic.twitter.com/drgzEpR9gD

— Mark Ogden (@MarkOgden_) May 28, 2022

УЕФА потфрли – организацијата на финалето беше катастрофална, прво во ЛШ кое беше поместено и отстапи од првичниот термин, доцнеше поради хаос на улиците и пред стадионот, полицијата прскаше фанови со солзавец.

Ви доаѓа ли друг податок на памет? Споделете го со нас…