ЈУНАЈТЕД ПОТРОШИ ПОВЕЌЕ ПАРИ ОД КОЈ БИЛО ДРУГ НА ПЛАНЕТАТА

Манчестер Јунајтед потроши повеќе пари за составување на сегашниот тим од кој било друг фудбалски клуб на планетата. Новиот извештај од Фудбалската опсерваторија CIES открива дека моменталниот состав на играчи на „Олд Трафорд“ чинел 991,7 милиони фунти, надминувајќи горекордот од 977,9 милиони фунти потрошени од ривалот од Премиер лигата, екипата на Челзи.

Манчестер Сити е на третото место со тим кој чини 898,5 милиони фунти, а потоа следуваат Пари Сен Жермен (862,3 милиони фунти), Арсенал (720,9 милиони фунти), Тотенхем (714,9 милиони фунти), Ливерпул (664 милиони фунти), Реал Мадрид (610,5 милиони фунти), Њукасл (570 милиони фунти) и Вест Хем (435,5 милиони фунти).

Извештајот ги разложува севкупните трошоци по позиции и открива дека само ПСЖ потрошил повеќе од Манчестер Јунајтед за актуелни напаѓачи. „Црвените ѓаволи“, исто така, издвоија 330,3 милиони фунти за нивните сегашни дефанзивци – и покрај проблемите на клубот од задната страна – додека само Ливерпул потроши повеќе на голманите.

Реал Мадрид потроши најмногу пари на својот нов изглед на средината – откако потроши 115 милиони фунти само за Џуд Белингем за време на овој летен преоден рок.