ФУДБАЛОТ НЕ БИЛ „ПРВАТА ЉУБОВ“ НА УЛТРАТАЛЕНТОТ НА РИВЕР

На Франко Мастантуоно, 17-годишниот креативен офанзивец по кој се залета пола фудбалска Европа, му се предвидува блескава кариера, но малку познат факт е дека фудбалот не му бил „првата спортска љубов“.

Имено, до свои 12 години, Мастантуоно тренирал тенис и бил меѓу петте најдобри играчи во Аргентина на негова возраст. Сепак, од непознати причини рекетот го заменил за копачки и фудбалска топка, по што набрзо го открил својот талент и само три години подоцна неговиот потенцијал почнал да се истакнува, настапувајќи за У20 националниот тим на Аргентина на само 15 години.

🇦🇷😳 | Curious fact about 𝐅𝐫𝐚𝐧𝐜𝐨 𝐌𝐚𝐬𝐭𝐚𝐧𝐭𝐮𝐨𝐧𝐨 (𝟏𝟕)

◍ He was a Top-3 Tennis player in Argentina at the age of 12.

◍ He gave up tennis and after 3 years (aged 15) he was already playing for the Argentinian U20 team.

And then 𝐀 𝐒𝐓𝐀𝐑 𝐖𝐀𝐒 𝐁𝐎𝐑𝐍 💫 pic.twitter.com/ce0IJiVwwj

— Rising Stars XI (@RisingStarXI) April 29, 2025

На 16 години дебитираше за сениорскиот тим на Ривер плата, а сега веќе е барана „роба“ со постојаните брилијантни партии и неговата последна мајсторија од изминатиот викенд против лутиот ривал Бока јуниорс, против кого постигна велемајсторски погодок од слободен удар.

Наводно ПСЖ е во напредни преговори да го ангажира во летниот преоден рок, а уште многу други европски гиганти како Манчестер јунајтед се обидуваат да ги добијат квалитетите на Мастантуоно. За помалку од една година цената на трансфер пазарот му порасна трикратно, сега вреди 15 милиони евра, но Ривер не би требало да го пушти за помалку од 50 милиони евра, колку што изнесува клаузулата во договорот на младиот Франко.