АНГЛИСКИ НОВИНАРИ БАРАА ОТКАЗ ЗА ТУДОР УШТЕ НА ПОЛУВРЕМЕ

Хрватскиот тренер Игор Тудор се наоѓа под сериозен притисок во Тотенхем и според британските медиуми неговото заминување од клупата на лондонскиот клуб е само прашање на време.

Тотенхем доживеа тежок удар во осминафиналето на Лигата на шампионите против Атлетико Мадрид. Веќе по само 16 минути игра во Мадрид, англискиот тим губеше со 3-0, а Тудор донесе контроверзна одлука – го извади голманот Антонин Кински, кој токму на овој натпревар дебитираше во Лигата на шампионите.

Тој потег предизвика бурни реакции во британската јавност. Многумина сметаат дека младиот голман бил ставен во исклучително тешка ситуација и дека замената дополнително ја нарушила атмосферата во тимот.

Познатиот англиски новинар Хенри Винтер беше особено остар во својата критика. На полувремето од натпреварот јавно порача дека управата на Тотенхем мора веднаш да го отпушти Тудор.

Сменете го Тудор. Тоа мора да се случи по доаѓањето од Мадрид. Клубот сака да му даде уште четири натпревари, но тој не заслужува ни уште еден. Всушност, не заслужува ни уште едно полувреме.

Винтер оцени дека настапот на Тотенхем бил понижувачки и дека тимот изгледал уште полошо отколку во претходниот период.

Спарси беа лоши и под водство на Томас Франк, но Тудор ги направи уште полоши. Погрешни избори на играчи, погрешна тактика.

Новинарот изрази и сочувство за голманот Кински.

Малку ми е жал за Антонин Кински. Не требаше ни да започне натпревар. Луда одлука на Тудор беше да го стави во тимот, а потоа го скрши со таа замена.

Според него, проблемите на Тотенхем не се само тренерски.

По новиот разочарувачки настап, сè погласни се шпекулациите дека управата на Тотенхем наскоро ќе мора да донесе тешка одлука за иднината на Игор Тудор, кој беше назначен пред речиси еден месец како замена за Томас Франк.