МУРИЊО: ВО РЕАЛ НЕМА НЕДОПИРЛИВИ ФУДБАЛЕРИ

Тренерот на Реал Мадрид, Жозе Мурињо, ја одржа официјалната прес-конференција пред утрешниот натпревар против Лајпциг.

„Кралевите“ го дочекуваат овој дуел со максимални две победи од првите два натпревари, но Португалецот ги смирува страстите околу амбициите на тимот.

 

​Според Мурињо, сè уште е прерано да се зборува за освојување на трофејот. Тој истакна дека примарна цел е пласман во следната фаза, а дури потоа ќе се размислува за директно избегнување на плејофот, за што ќе бидат потребни многу бодови.

 

​Во однос на дебатите во јавноста околу статусот и формата на Винисиус Жуниор, португалскиот стручњак порача дека никој во тимот нема гарантирано место врз основа на името или минатиот труд, туку единствено според прикажаното на теренот. Притоа потврди дека Винисиус ќе стартува на левата крилна позиција против Лајпциг, додека за настапот на Јан Диоманде сè уште не е донесена конечна одлука.

 

​За неговите први три месеци на клупата на Реал Мадрид, Мурињо изјави дека бил целосно подготвен за предизвикот и дека го затекнал токму она што го очекувал. Тој додаде дека не размислува за тоа колку точно ќе остане во клубот, туку е фокусиран на тоа да го дава својот максимум секој ден.