ЛИВЕРПУЛ ГО НАЈДЕ НОВИОТ СТОЛБ НА ОДБРАНАТА?

Ливерпул веќе активно го подготвува тимот за следната сезона, а едно од имињата што сè почесто се поврзува со клубот е Маркос Сенеси.

Стоперот на Борнмут се смета за интересна опција бидејќи би можел да пристигне без обештетување, потег што на Енфилд го гледаат како потенцијално одлична пазарна можност.

Иако од клубот засега испраќаат пораки дека дефанзивната линија е стабилна, јасно е дека се работи на освежување на одбраната. Вирџил ван Дајк останува лидер на тимот, додека Ибрахима Конате е блиску до нов долгорочен договор.

Паралелно со тоа, Ливерпул размислува и за иднината, па се споменуваат и младите таленти Џовани Леони и Џереми Жаке како дел од проектот за нова генерација во последната линија.

Сенеси со години е еден од најстандардните играчи на Борнмут и се вклопува во профилот што Ливерпул го бара: агресивен во дуелите, сигурен со топка и способен да игра во високо поставена одбрана.

Аргентинецот веќе има над 100 настапи во Премиер лига, што дополнително го прави атрактивна опција за клуб кој сака стабилност и поголема ротација во борбата на сите фронтови.