СЦЕНАРИОТО ПО КОЕ МАКЕДОНИЈА ОДИ ПОНАТАМУ

Македонската ракометна репрезентација вечерва ја игра една од клучните средби на Европското првенство, дуелот против Романија, во кој влогот е пласман во следната фаза односно вториот круг на шампионатот.

По одиграните натпревари во групата, ситуацијата е јасна, но исклучително тешка. Македонија ја нема судбината целосно во свои раце и покрај победа, ќе ѝ биде потребна и помош од Данска.

Што точно ѝ треба на Македонија за да оди понатаму?

– Да ја надокнади разликата од 19 гола во однос на Португалија, која моментално е пред нас на табелата
– Победа против Романија со што е можно поголема разлика е апсолутен императив
– Истовремено, ќе биде потребна и помош од Данска, која треба убедливо да ја совлада Португалија

Еден од сценаријата изгледа вака: Доколку Македонија ја победи Романија со 7 гола разлика, тогаш Данска ќе мора да ја совлада Португалија со најмалку 12 разлика за нашата репрезентација да обезбеди пласман во главната фаза.

Што ако разликата биде 18 гола?

Постои и теоретска можност Македонија и Португалија да бидат израмнети со вкупна гол-разлика од -18. Во таков случај, следниот критериум е бројот на постигнати голови, а тука Македонија, за жал, не е во поволна позиција бидејќи Португалците имаат 16 повеќе од нас во моментот.

Заклучок

Македонија вечерва мора да оди на сѐ или ништо, а тоа е убедлива победа против Романија и надеж дека Данска ќе си ја заврши работата против Португалија. Сценариото е тешко, но не и невозможно, а ракометот и досега знаел да понуди големи драми и изненадувања.

Сè е подготвено за уште една вечер во која срцето ќе чука побрзо.