МИЛЕВСКИ СО 26 РЕПРЕЗЕНТАТИВЦИ ЌЕ АТАКУВА НА БОДОВИ ПРОТИВ БЕЛГИЈА И КАЗАХСТАН

Селекторот на сениорската фудбалска репрезентација на Македонија, Благоја Милевски, одбра 26 фудбалери за октомврискиот квалификациски циклус за Мундијалот 2026. Предвидени се два натпревари во октомври, гостуваме кај Белгија во Гент на 10 октомври, а три дена подоцна селекцијата Казахстан доаѓа во Скопје.

Стефан Ашковски и Давид Бабунски се повратниците во нашиот национален тим, додека поради повреди отпаднаа Лирим Ќамили и Димитар Митровски.

Ова е комплетниот список на играчи кои ги одбра популарниот Сер Боби:

Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија);

Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија);

Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија);

Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија).