АНГЛИСКАТА ФА УДРИ ПО ЧЕЛСИ: 74 ОБВИНЕНИЈА ЗА ШЕСТ ПРЕКРШЕНИ РЕГУЛАТИВИ ВО ЕРАТА НА АБРАМОВИЧ

Англиската фудбалска асоцијација покрена правна постапка против Челси со 74 обвиненија за шест прекршени регулативи во периодот од 2009 до 2022 година. Повеќе финансиски нерегуларности се пронајдени по деталната и долга истрага, реализирани во ерата на Роман Абрамович, од кои повеќето се во периодот од сезоната 2010/11 до сезоната 2015/16.

Нерегуларните трансакции до фудбалски агенти и посредници на трансфери беа пријавени од самата управа на Челси, односно конзорциумот предводен од Тод Боли, набрзо по откупот на Сините во мај 2022 година а мултимилијардерска сума.

Управата настојува транспарентно да оперира и им овозможи на правните тела на ФА и Премиер лигата да ги „прочешлаат“ книгите на клубот од Лондон. Не се очекува клубот да биде казнет од спортски аспект бидејќи овие нерегуларности не влијаат врз успесите и резултатите на клубот, но веројатно ќе има голема парична казна.