ПРЕКРАСЕН ГЕСТ НА ПОВРАТНИКОТ ВО ПРЕМИЕР ЛИГАТА: БЕСПЛАТНИ СЕЗОНСКИ БИЛЕТИ ЗА НАЈВОЗРАСНИТЕ НАВИВАЧИ

Сандерленд сезонава ќе игра во Премиер лигата по осум години пауза, а за камбекот во елитата на англискиот фудбал, управата одлучи да ги награди највозрасните фанови.

Имено, бесплатни сезонски билети следуваат за сите навивачи кои постари од 84 години, а платиле барем трипати за сезонски билет. Напоредно, сите навивачи од истата возрасна категорија кои веќе купиле сезонски билети, ќе им бидат вратени парите.

Овој гест ќе важи и за следните сезони, без разлика дали Сандерленд ќе го задржи премиерлигашкиот статус, потврдија од таборот на клубот, со цел да се придонесе за највозрасната навивачка група која долги низ години ги поддржува Црните мачки.

Сандерленд преку плејофот во Чемпионшип стигна да биде дел од Премиер лигата оваа сезона, откако последен пат премиерлигашки фудбал на „Стадионот на светлината“ се играше во сезоната 2016/17.