ИМ ГЕСТИКУЛИРАШЕ СО МЕЃУНОЖЈЕТО, А СЕГА ТРЕБА ДА ИГРА ЗА НИВ (ВИДЕО)

Познато е дека Рубен Аморим го чека многу работа во текот на летниот преоден рок во кој ќе треба од корен да го реконструира тимот на Манчестер јунајтед. Многу имиња се во игра, а меѓу нив е и младиот креативец на Лион, Рајан Черки.

Францускиот офанзивен плејмејкер имаше аудиција во двомечот од 1/4 финалната рунда во Лигата на Европа, постигна гол за 3-2 во реваншот на „Олд трафорд“ со кој Лион беше пред пласман во следната фаза, но се случи фамозниот пресврт на Јунајтед по кој француските Лавови претрпеа елиминација.

Околу аудицијата, може да се каже дека Черки ја помина од фудбалски аспект, но го навлече гневот на домашните фанови со некултурната гестикулација држејќи се за меѓуножјето додека фановите на Јунајтед го провоцираа од трибини. Се чини дека на Аморим не му смета што навивачите по овој потег не сакаат да го видат Черки во црвениот дрес, па наводно веќе е отпочнат процес на преговори за ангажман на фудбалерот.

Just noticed Cherki did this to United fans

Sad to say he failed the audition pic.twitter.com/q7Lt8ml1PU

— 𝗔𝗺𝗮𝗱𝗶𝗻𝗵𝗼 (@Amad16FC) April 18, 2025

Талентираниот првотимец на Лион има откупна клаузула од 25 милиони фунти, сума која Јунајтед без проблем може да ја плати, доколку го убеди Черки да се пресели на Островот.