АНГАЖМАНОТ НА АНЧЕЛОТИ ВО БРАЗИЛ Е ПРЕД КОЛАПС

Управата на Реал Мадрид прави опструкции на најавениот ангажман на Карло Анчелоти на селекторското столче на Бразил, откако клубот не планира да го пушти италијанскиот стратег во јуни како што очекуваа Кариоките.

Бразилската федерација постигна вербален договор со Анчелоти и надежите беа дека Дон Карло уште во јуни ќе почне со работа, но Кралевите сакаат да го задржат за да го води тимот и на Светското клупско првенство, кое ќе трае до средината на јули. Ова претставува проблем и како што стојат моментално работите, Анчелоти нема да го преземе Бразил.

Целта беше што порано да почне со работа за да го подготви националниот тим за Светското првенство кое идната година ќе се игра во САД, Канада и Мексико, но по сите изгледи ќе се бара алтернатива, а Анчелоти ќе биде разрешен дури по Светското клупско првенство.