И ПОСЛЕ ТОЛКУ ГОДИНИ НЕ МУ ИДЕ ПАМЕТ – СУАРЕС ПАК ГРИЗЕШЕ, ОВОЈПАТ ЖРТВАТА Е АЛБА (ВИДЕО)

Луис Суарес колку и да е феноменален голгетер и еден од најдобрите напаѓачи на својата генерација, угледот никогаш нема да му остане чист поради пргавоста која не ја крие.

Неколкупати во кариерата имаме посведочено на негов физички напад кон противнички играч. Како член на Ливерпул на среде натпревар го гризна Бранислав Ивановиќ, ексдефанзивецот на Челси, а истото го снајде и Џорџо Кјелини за време на Мундијалот 2014 кога се сретнаа Италија и Уругвај.

Сега, новата жртва е неговиот соиграч и долгогодишен пријател Жорди Алба. Суарес се најде во мешаницата меѓу фудбалерите на Интер Мајами и Лос Анџелес, а кога Алба му пријде, овој го гризна за дланката и притоа силно го стисна на вратот. Според изразот на лицето Алба почувствува болка, а кога Суарес виде кого гризе, веднаш се повлече.

🦈 Luis Suarezpic.twitter.com/ZxiRL8ishk

— Omar Momani (@omomani) April 14, 2025