ЕХФ НЕ ОДОБРИ ОДЛОЖУВАЊЕ НА НАТПРЕВАРОТ ПРОТИВ СЛОВЕНИЈА

Македонија тагува по трагичната несреќа која се случи рано утринава во Кочани, а вечерва македонските ракометари ќе мора да го одиграат натпреварот против Словенија во Копер откако ЕХФ не го одобри барањето на ракометната федерација на Македонија за одложување.

Челниците на ракометната куќа во Македонија, испратија барање до ЕХФ натпреварот попладнево од 18:30 во Копер да се одложи, поради трагедијата во Кочани, но веројатно поради густиот распоред на клубовите и немањето на термини кога да се одигра во летниот циклус, ЕХФ го одби барањето.

Од РФМ известуваат дека натпреварот ќе започне според планираното, со 1 минутен молк пред почетокот.