ЗВЕРЕВ ГО ЧЕКА ПОБЕДНИКОТ: ЃОКОВИЌ ПРОТИВ АЛКАРАС? ПА, ТОА ЌЕ БИДЕ ЗДОДЕВЕН ДУЕЛ (ВИДЕО)

Александер Зверев се пласира во полуфиналето на Австралија Опен, по победата над Томи Пол со 3-1 во сетови, а потоа го даде едно од најкомичните интервјуа на гренслемот.

Германскиот тенисер го чека победникот од мега-дуелот Ѓоковиќ – Алкарас, кој е закажан да стартува во 10:30, а на публиката ѝ посочи дека тоа ќе биде многу здодевен меч. Секако, го кажа тоа во шега.

„Апсолутно здодевен дуел, нема причина да останете тука откако посведочивте на дуелот меѓу Зверев и Пол. Мислам, да не се лажеме…“, истакна Саша во шега, а потоа продолжи:

„Двајца од најдобрите кои некогаш земале рекет во рака. Новак е најголемиот на сите времиња, а Карлос ќе биде еден од великаните кога ќе се пензионира. Тоа е судир на генерации, играле доста гренслем финалиња меѓусебе претходно, лани се бореа за олимпиското злато. Затоа, привилегија е да се сведочи на уште една нивна средба тука во Мелбурн, па се надевам дека ќе уживате“, заврши германскиот тенисер.

Zverev when asked to give his thoughts on Carlos Alcaraz vs Novak Djokovic match at Australian Open

“Absolutely. Boring matchup. No reason of staying here after you just witnessed Zverev vs Paul” 😂

pic.twitter.com/UblKInapr2

— The Tennis Letter (@TheTennisLetter) January 21, 2025