МЕНУВАШ ТРЕНЕР + ПОБЕДУВАШ НА СИТЕ НАТПРЕВАРИ + НЕ ПРИМАШ ГОЛ = ТИТУЛА?
Објавено на: 08.04.2021
Лондонскиот одред маршира цврсто низ елитното натпреварување под водство на германскиот стратег, кој дојде набркан од француската престолнина како непогоден по две прекрасни сезони поминати во ПСЖ. Челси е новиот дом на Томас Тухел, комбинација која заедно гази преку се пред неа како мирнодопска Легија на странци.
Good morning, Blues! 😍 #PORCHE #UCL pic.twitter.com/SdVSHkuOHP
— Chelsea FC (@ChelseaFC) April 8, 2021
Порто ја почувствува моќта на тимот создаден од креативци, чија уметност беше ослободена од страна на минатосезонскиот финалист во Лигата на шампионите, кој беше на чекор до најпосакуваниот успех во животот на еден фудбалски тренер. Двата гола во мрежата на португалската екипа, значеа трет елитен триумф во низа, без примен гол.
🗣️ 'We showed a reaction!'
The boss reflects on a 𝘽𝙄𝙂 night for the Blues in the #UCL! 🙌
— Chelsea FC (@ChelseaFC) April 8, 2021
Последниот тренер на кого му појде ова од рака – да победи во првите три натпревари од нокаут фазата во Лигата на шампионите, на клупата на Челси, беше италијанскиот стратег Роберто Ди Матео во сезоната 2011/12, кога лондонските сини го освоија пехарот во ова натпреварување. Само случајност, или најава за нова сензација?
