ЛЕАО ИМ СЕ ПРИДРУЖИ НА СОИГРАЧИТЕ ВО КАРАНТИН
Објавено на: 10.05.2023
Дилемата надвисната над Милано дали Рафаел Леао ќе заигра вечерва на првиот дуел помеѓу Милан и Интер е се уште нејасна, но пристигнувањето на Португалецот во хотелот каде што тимот на Милан е во карантин може да носи позитивен оптимизам кај сите фанови на росонерите.
Португалецот се повреди на натпреварот со Лацио во саботата и беше заменет во 11 минута. Од тогаш, топло-ладни беа најавите од таборот на миланезите околу неговиот евентуален настап.
🚨 Leao arrives at Milan’s hotel ahead of the Champions League semifinalpic.twitter.com/pkAzejtCt9
— Milan Eye (@MilanEye) May 10, 2023
На вчерашниот прес пред денешниот дуел, Стефано Пиоли изјави:
И јас ја гуглав повредата на Леао, бидејќи не ја знаев. Во текот на утрешниот ден, рано наутро ќе бидат направени последните проверки и доколку може да игра ќе започне од првата минута. Доколку не, воопшто нема да биде на клупата бидејќи не сакаме да ризикуваме.
Утрово, во хотелот пристигна целата екипа на Милан, без Леао кој остана во Миланело на проверки. Но пред еден час, најдобриот играч на Милан се појави во хотелот.
📽️ MN: AC Milan players have arrived at the hotel. Awaiting updates on Leao. pic.twitter.com/8wVQJGLtQI
— Milan Posts (@MilanPosts) May 10, 2023
Според медиумите блиски до Милан, во моментов Пиоли, Леао и стручниот штаб одлучуваат дали тој ќе заигра вечерва од 21:00 часот.
