ИВАНИШЕВИЌ ДИШЕ СО ЃОКОВИЌ, ГИ УРИВААТ СИТЕ МЕНТАЛНИ БАРИЕРИ

Некој ќе каже дека е незамисливо српскиот тенисер да е толку близок со хрватскиот стратег и поранешен тенисер, но реалноста ќе каже – молчете, гледајте, ако сакајте уживајте и прифатете дека сите на овој свет сме само луѓе, без разлика кои сме и од каде сме.

Поскакаше сви крокодили, рече коментаторот на Спорт Клуб, мислејќи на потскокнувањето на целата ложа на Новак Ѓоковиќ (при 30:15 во одлучувачкиот гејм) која носеше маички на Лакост, спонзорот на српскиот тенисер кој има 91 голем трофеј и само 1 помалку од рекордерот Надал, кој пак нема ниту една Мастерс титула, а Србинот има рекордни 6 колку што има и Роџер Федерер.

Unrelenting. Unbreakable. UNDEFEATED.@DjokerNole wins a record-equalling SIXTH #NittoATPFinals title – defeating Ruud 7-5 6-3 to win in Torino!! pic.twitter.com/U4fKGkq4eU

— Tennis TV (@TennisTV) November 20, 2022

Финалето во Торино траеше 1 час и 34 минути и заврши 5:7 и 3:6, за 0:2 и победа на Новак Ѓоковиќ против Каспер Руд од Норвешка. Дали Ноле, кој по пауза од седум години повторно го освојува АТП Мастерс пехарот, е еден од најдобрите тенисери и воопшто спортисти во историјата?