ЗОШТО ПРИНЦОТ ВИЛИЈАМ НАВИВА ЗА АСТОН ВИЛА?

Принцот Вилијам веќе со години е еден од најпознатите навивачи на Астон Вила, а многумина и денес се прашуваат зошто токму Вила?

Принцот редовно е присутен на натпреварите на клубот и неодамна беше забележан како еуфорично слави нов европски успех на тимот. Но неговата љубов кон Вила не е случајна ниту наследена.

Вилијам откри дека почнал да навива за клубот уште за време на школувањето во Беркшир, кога сакал да избере тим различен од останатите.

Уште во школските денови навлегов сериозно во фудбалот и барав клуб за кој ќе навивам. Сите мои пријатели беа за Манчестер Јунајтед или Челси, а јас не сакав да одам по веќе утврдениот пат.

Тој објаснил дека сакал клуб што ќе му носи повеќе емоции и неизвесност.

Сакав тим од средината на табелата, кој ќе ми овозможи повеќе емотивни подеми и падови.

Интересно е што принцот е роден само 26 дена по европската титула што Вила ја освои против Баерн Минхен во 1982 година.

Подоцна, дополнително се врзал за клубот преку пријатели и атмосферата околу натпреварите.

Астон Вила секогаш имала голема историја. Имам блиски пријатели што навиваат за Вила, а еден од првите натпревари од ФА Куп што ги гледав беше Болтон против Астон Вила во 2000 година. Атмосферата, заедништвото и чувството на припадност беа нешто со што навистина се поврзав.

Капитенот Џон Мекгин неодамна го опиша Вилијам како „сосема нормален човек“, откривајќи дека принцот влегол и во соблекувалната пред големото финале.

Тој е огромен навивач на Вила и никогаш немаше да го пропушти овој момент. Навистина е нормален човек, како секој од нас.