СЕ РАСПЛАКА АРБИТАРОТ ШТО ЌЕ ЈА ДЕЛИ ПРАВДАТА НА ЕЛ КЛАСИКО ВО КУПОТ: ТЕШКО МИ Е ПОРАДИ СИН МИ (ВИДЕО)

Рикардо Де Бургос Бенгоеча, главниот судија кој утре ќе ја дели правдата во финалето од шпанскиот Куп меѓу Барслена и Реал Мадрид, се расплака на денешната прес-конференција.

Имено, фановите на Реал Мадрид константно го критикуваат дека ја фаворизира Барселона, а дополнителна штета прави ТВ каналот на Реал Мадрид, каде веќе со денови се испраќаат навреди на сметка на Бенгоеча. Воопшто не помогна ниту видео-прилогот кој го објави клупскиот канал на Реал, на кое се гледаат инсерти од наводното оштетување на Кралевите.

Бенгоеча не можејќи да ги трпи критиките, го крена гласот против вербалното насилство кон него и неговите колеги кои нон стоп трпат секакви критики и навреди во Шпанија.

„Не ме интересира што објавуваат. Цело време упатуваат секакви критики, што не е во ред ниту за мене ниту за моите колеги, без разлика дали се случува тоа на професионално или аматерско ниво. Она што ме боли е кога ќе дојде син ми расплакан од училиште, затоа што соучениците го навредуваат дека татко му е крадец и корумпиран. Еден ден кога ќе завршам со оваа работа, сакам син ми да се гордее со мене и да разбере што всушност значи да си фудбалски судија“, низ солзи прокоментира Бенгоеча.

😲👀 El momento en el que Ricardo De Burgos Bengoetxea rompe a llorar en la rueda de prensa previa a la Final de la Copa del Rey#realmadri̇d #fcbarcalona #copadelrey @jdelriomuradas pic.twitter.com/2PFwwBJ4mq

— MARCA (@marca) April 25, 2025

 

Мечот за трофејот во популарниот Кралски Куп меѓу Барселона и Реал Мадрид е закажан за утре во 22 часот.