ПО ЊУКАСЛ ПРИНЦОТ ОД САУДИСКА АРАБИЈА ГО КУПУВА ИНТЕР?

Принцот од Саудиска Арабија не застанува само со аквизиција на Њукасл туку ги продолжува своите инвестиции и на Апенинскиот полуостров.

Според денешните пишувања на Газета дело спорт, контактите помеѓу PIF (Public Investment Fund of Saudi Arabia) и Sunning продолжуваат интензивно и покрај купувањето на Њукасл. Финансиската криза влијаеше на големо на клубот во Милано, кој и покрај продавањето на Хакими и Лукаку бележи големи загуби.

Италијанските медиуми во денешните изданија најавуваат аквизиција на Интер преку фондот на Мохамед бин Салман за една милијарда евра. Во договорот покрај купувањето на акционерскиот дел на Интер, ќе биде вклучено и земјиштето на кој Интер и Милан ќе градат нов стадион. Желбите на Принцот се да создаде фудбалски конгломерат бидејќи на неговата листа е и Марсеј и клуб од Бразил.

Дали ќе биде официјализирана аквизацијата, останува да видиме во следниот период.