НОВО ВИДЕО ОД МАСОВНАТА ТЕПАЧКА ПОМЕЃУ ЛИОН И ФЕНЕРБАХЧЕ

Голем инцидент го одбележа крајот на реваншот меѓу Лион и Фенербахче во плејофот од Лигата на шампионите, по кој турскиот клуб обезбеди пласман во лигашката фаза.

Тензиите започнаа уште на теренот, а во центарот на вниманието беше Матео Гендузи. Поранешниот фудбалер на Марсеј ги провоцираше домашните фудбалери и навивачи додека Фенербахче го славеше пласманот.

Гендузи во еден момент го покажа препознатливиот знак на францускиот рапер Жул, кој е од Марсеј, а потоа пред камерите извика и Allez l’OM, односно Напред Марсеј.

Тоа предизвика жестока реакција од фудбалерите на Лион, по што на теренот настана турканица и судир меѓу играчите. Стручните штабови успеаја да ја смират ситуацијата, но хаосот не заврши тука.

Напротив, најжестокиот дел следуваше далеку од камерите на телевизискиот пренос. Но неколку часа подоцна, се појави нова снимка од камерата во коридорот кон соблекувалните, која покажува што се случувало откако фудбалерите го напуштиле теренот.

На видеото се гледа како играчи и членови на двата тима повторно влегуваат во конфликт во тесниот простор пред соблекувалните. Во хаосот учествувале повеќе од 20 лица, а ситуацијата прераснала во масовна тепачка со туркање, удари и бркање низ коридорот.

Меѓу најнервозните повторно бил Гендузи, а во центарот на инцидентот се нашол и поранешниот фудбалер на Јувентус, Опенда.

Видеото во продолжение ја прикажува тепачката од камерата поставена во коридорот кој води кон соблекувалните и открива што се случувало откако телевизиските камери престанаа да го следат инцидентот на теренот.

🎥 Lyon-Fenerbahçe maçı sonrasında TV’ye yansımayan koridordaki kavganın görüntüleri! pic.twitter.com/3H44ZTUOgU

— Spor Bülteni (@sporbultenicom) August 26, 2026