МАРКА ОБЈАВИ ДЕТАЛ КОЈ НЕ СЕ ГЛЕДА НА ТВ: КАВГА ПОМЕЃУ ВИНИСИУС И БЕЛИНГЕМ

Реал Мадрид не беше разнишан само од поразот од Баерн Минхен, туку и од тензијата внатре во тимот. Шпанска Марка откри момент кој не беше виден во преносот, а кој покажува колку нервозата била присутна на теренот.

Во клучен дел од натпреварот, камерите уловиле судир меѓу Винисиус Жуниор и Џуд Белингем. Сѐ се случило пред исклучувањето на Едуардо Камавинга, во момент кога Реал се обидувал да го задржи резултатот во нивна корист.

По една акција во која Дајо Упамекано направи грешка, Винисиус тргна во продор, додека Белингем бараше додавање. Бразилецот не ја исконтролира добро топката, што му овозможи на Баерн да се одбрани, а акцијата пропадна.

Веднаш потоа следеше реакција. Белингем му забележа на Винисиус што не ја подал топката, а одговорот беше жесток:

Што сакаш? Заќути се.

Овој момент само ја отслика атмосферата во тимот. Според податоците, соработката меѓу двајцата била речиси непостоечка: Белингем му додал четири пати, додека Винисиус ниту еднаш не му возвратил.

Иако Винисиус подоцна запиша асистенција за Килијан Мбапе, очигледно беше дека комуникацијата и хемијата не функционираат како што треба.

Целиот натпревар донесе низа проблеми за Реал, од расправии меѓу играчите, преку црвениот картон, до конечниот колапс. Деталот што го објави Марка дополнително покажува дека тимот бил далеку од рамнотежа кога било најпотребно.

Кога вакви сцени се случуваат на терен, тие често се знак дека проблемите се подлабоки од самиот резултат.