БЕНЗЕМА 2.0? ЧАБИ АЛОНСО БРУСИ ДИЈАМАНТ ОД РЕАЛОВАТА ШКОЛА (ВИДЕО)

Реал Мадрид се пласираше во нокаут-фазата од СКП по победата од 3-0 над Салцбург, а во овој меч уште еднаш се потврди дека Чаби Алонсо најде вистински бисер во младинскиот сектор на Кралевите.

Гонзало Гарсија повторно стрелаше, го постигна својот втор гол на првенството, а има и една асистенција што значи дека придонесува за погодок на 75 минути поминати на теренот. Придонесот од ова првенство речиси сигурно ќе му донесе и минутажа за првиот тим на Реал во новата сезона, бидејќи Алонсо покажува дека има доверба во младиот голгетер кој до неодамна играше за резервниот тим.

Шпанскиот 21-годишен голгетер погоди за 3-0 во второто полувреме откако одлично се снајде по проигрувањето од Трент. Покажа смиреност да ја искористи грешката на противникот и искусно да ја затресе мрежата со лоб преку голманот. Нешто слично како во стилот на Карим Бензема, легендарниот реалов напаѓач.

Gonzalo Garcia is just 21yrs old and he has this amazing composure, wow! pic.twitter.com/4UZyLZzjKK

— IKE (@Ike_gyms) June 27, 2025