АРСЕНАЛ ТРГНУВА ПО SВЕЗДАТА НА АТЛЕТИКО МАДРИД

Арсенал сериозно ја разгледува можноста за еден од најголемите трансфери во Европа. Според информации на talkSPORT, топчиите веќе одржале почетни разговори за ангажман на напаѓачот на Атлетико Мадрид, Хулијан Алварез.

Раководството на Атлетико е подготвено да го продаде поранешниот фудбалер на Манчестер Сити за сума од околу 100 милиони евра, што јасно покажува колку високо го вреднуваат Аргентинецот, кој со Сити освои тројна круна под водство на Пеп Гвардиола.

Клучна улога во можниот трансфер има спортскиот директор на Арсенал, Андреа Берта, кој има одлични релации со Алварез уште од периодот кога го договори неговото заминување од Манчестер Сити во Атлетико.

Сепак, Арсенал нема лесна задача. Во трката сериозно е вклучена и Барселона, која според извори во моментов важи за фаворит за потписот на аргентинскиот репрезентативец.

Алварез има уште четири и пол години од договорот со мадридскиот клуб, а откако пристигна во 2024 година, постигна 40 голови на 85 натпревари за тимот на Диего Симеоне. Претходно, во дресот на Манчестер Сити, запиша 20 голови на 67 настапи зад своето име во Премиер лигата.

Интересот на Арсенал е разбирлив ако се погледне состојбата во нападот. Виктор Ѓокереш и Габриел Жезус заедно имаат само шест лигашки гола оваа сезона, додека Кај Хаверц е веќе долго надвор од терените поради повреда.

И покрај тоа, тимот на Микел Артета игра одлична сезона, води во Премиер лигата со седум бода предност, обезбеди пласман во осминафиналето на Лигата на шампионите и е во игра на сите четири фронта.

Арсенал нема освоено голем трофеј од ФА Купот во 2020 година, а титула во Премиер лигата чека веќе 22 години.