ЗВЕРЕВ СО ЛЕКЦИЈА ДО ХЕЈТЕРИТЕ: НЕ ИСВИРКУВАЈТЕ ПОВРЕДЕН ИГРАЧ! (ВИДЕО)
Објавено на: 24.01.2025
Првото полуфинале во Мелбурн заврши по само 82 минути игра, откако Новак Ѓоковиќ одлучи да го предаде мечот по првиот сет кој Алекс Зверев го освои со 7-6.
Руптурата на мускулот на ногата, повреда која го мачеше тенискиот рекордер и во победата над Карлос Алкарас, очигледно е посериозна и не му дозволи во целост да го одигра овој важен дуел.
Новак беше испратен со свирежи од страна на публиката во Мелбурн, австралиските навивачи кои платија стотици и неколку илјади долари за да го гледаат овој спектакл, му се навртеа на срспкиот тенисер потполно невоспитано и безпотребно.
Поради тоа, Саша беше приморан да им одржи лекција.
„Луѓе, ве молам, не исвиркувајте повреден играч. Знам дека сите плативте скапи билети и сакате да гледате тенис од пет сета, но мора да разберете дека Новак е тенисер кој му даде апсолутно сѐ на овој спорт во изминатите 20 години. Го има освоено овој турнир со секакви повреди, и ако се почувствува дека не може да продолжи да игра, тоа значи дека навистина не може да игра. Затоа, покажете почит и љубов кон него“, истакна Зверев.
Zverev on some of the crowd booing Djokovic after retiring from Australian Open
“Please guys don’t boo a player when he goes out with injury. I know everyone paid for tickets.. but Novak has given everything of his life to the sport the last 20 years”
— The Tennis Letter (@TheTennisLetter) January 24, 2025
