ШОК ЗА БОКСОТ: ФЈУРИ ТВРДИ ДЕКА ЏОШУА САКА ДА ЈА ОТКАЖЕ ГОЛЕМАТА ПРЕСМЕТКА!

Само еден ден по официјалната најава на долгоочекуваниот дуел меѓу Тајсон Фјури и Ентони Џошуа, се појавија сериозни сомнежи дали борбата воопшто ќе се одржи.

Двата поранешни светски шампиони во тешка категорија треба да се соочат на 11 декември во Кардиф, во спектакл кој беше официјално потврден во четвртокот од промоторот Турки Алалшик и платформата Нетфликс.

Сепак, Фјури сега тврди дека од таборот на Џошуа се обидуваат да се повлечат од договорената пресметка. Според неговите зборови, токму Џошуа и неговиот промотор Еди Херн повеќе не сакаат да влезат во рингот.

„Ентони Џошуа и Еди Херн се обидуваат да се откажат од оваа борба. Велат дека сега не сакаат да се борат“, порача Фјури преку социјалните мрежи.

Тврдењата на Фјури дополнително ја разнишаа најавата за еден од најочекуваните боксерски дуели, кој треба да се одржи во Обединетото Кралство.

Ројтерс веќе побарал коментар од „Мечрум боксинг“, промоторската компанија на Еди Херн, во врска со изјавите на Фјури.

Херн претходно откри дека тој и Џошуа инсистирале борбата да се одржи на британско тло. Првичниот предлог, пак, бил големиот дуел да се одржи во Њујорк, во „Медисон Сквер Гарден“.

Сега останува да се види дали несогласувањата ќе бидат надминати и дали Фјури и Џошуа навистина ќе се најдат во рингот на 11 декември.