РЕМИ КАКО ПОБЕДА, ИЛИ ТРОЈАНСКИ КОЊ?

Македонската ракометна репрезентација има поволен резултат од гостувањето кај Чешка, во последниот квалификациски филтер за пласман на следното светско ракометно првенство. Одигравме реми 24:24, реваншот е во Скопје (17.04.2022).

Резултатот можеше да биде во наша полза, со оглед на позитивата од 7 гола (10:17) која ја имавме во текот на натпреварот, но исходот можеше да тргне и на другата страна. Ракомет се игра до последната секунда и тоа мора да го знаеме.

Навидум, скорот од Чешка ни оди во прилог, но има да се одигра уште еден натпревар, а нашиот противник има пресериозни ростер и резултати, за да мислиме дека се е завршено. Можат ли избраниците на Кирил Лазаров да се пласираат на СП?